شعر لشيخنا ابونا خليفة بن سلمان

ما للصلايب غير أهلها

أقبل الرزريز الأحمر يا بخت منهو يسوقه

يخطف الأنظار كته حر يوم الصيد شاقه

نمرته واحد يحوف بخمستين وزاد فوقه

واحد يتبع خطاوي خمستينفي رواقه

مقبلن من جبلة محرق وحلق وحلق فوق سوقه

قاصدن شرق وخفوقي ما توانى في لحقاه

مرسله من لهفة عزومه تفلت من سبوقه

طربة لي هزت المشتاق تحكم وثاقه

لو تهقوى صانع الميراج بالسرعه يفوقه

بيتسكر مصنع ما عاد له بالسبق طاقه

وزاد شئ في حلا وصفه وميزاته وذوقه

قلب في خدمة هل البحرين يستاسع نطاقه

بوعلي يالوايلي يالبة القلب وعروقه

بك يزين الروز والسايق تشرف بالسواقه

جيت لمحرق وروحك لأجلها دايم سبوقه

والابن لي بر بأمه ما تعيق اخطاه عاقه

الحوايج لاقضاها واستلم بيته حقوقه

يغتني قدام ربه يوم غيره عاش فاقه

وإنت في عين الرضا معروفكم شعت بروقه

ياعسى قدام ربك يكتسي وجهك طلاقه

يوم غيرك ذاق نومه، عينكم عيت تذوقه

الحمية سهرت قلب انشبت فيه الحراقه

واندمل عقب احتدام الشر جرح طال عوقه

يوم عزمك قام يذن حان وقت الانطلاقه

فاض قلبك يا خليفه بالتعابير الصدوقه

وارتوى قلب الإذاعة من ينابيع اللباقة

ذاك يوم به قدعنا من تمر زانت عذوقه

كالذهب يزهي به الياقوت في كف العراقه

واشربت قهوة حديثك ناس في قولك وثوقه

ماتثني رايها في بو علي زيف وحماقه

واللي ثنى كلمته واختال في ثورة عقوقه

ما يشيله لي تخرطف عون في سكة نفاقه

بو علي ما للصلايب غير أهلها لمخلوقه

للصعاب وإنت قدها تسبق الكايد سباقه

ظما الوجدان
مملكة البحرين

يعطيج عافية خيتوه على اشعار جميلة

الله يعافيج خيتووه
شكرا لمرورج جمييييل
cheers

روووووووووووووعة
مشكوووورة على جهود

عفوا
شكرا على المرور

» شعر احمد آل خليفة